زوجة تقاضي زوجها: ” زوج شقيقته في شقتي “

زوجة تقاضي زوجها: ” زوج شقيقته في شقتي “
زوجة تقاضي زوجها: ” زوج شقيقته في شقتي “

في مشهد مثير للجدل والدهشة في مصر أقدمت زوجة على رفع دعوى طلاق ضد زوجها؛ بعد أن قام والده بتزويج ابنته في شقتها.

وتقول الزوجة المصرية أمام محكمة الأسرة: ” سافرت مع زوجي بعد 6 أشهر من زواجنا، وأما رجعت لقيت حمايا جوز بنته الصغرة في شقتي وجوزي كان عارف ومفكرش حتي يقولي “.

ولفتت إلى أنها تزوجت منذ عامين وسافرت إلي السعودية مع زوجها وعندما عادت إلي مصر صًدمت بالواقعة.

وأضافت: ” جوزي كان بيشتغل في السعودية وجابلي عقد هناك في مدرسة وسافرت معاه أشتغل هناك، وقعدت سنتين أشتغل وأما خدت الاجازة السنوية بتاعتي ونزلت مصر عشان اشوف أهلي وأقعد معاهم تفاجأت إن شقتي حمايا خدها بالعفش اللي فيها وجوز بنته وابن اخوه فيها ولم حاجات المطبخ اللي أنا كنت جيباها في جهازي نزلها عنده في أوضة، أنا أصلا مش من نفس البلد ومبقتش عارفة اعمل إيه وهما بجحوا فيا وقالولي دي شقة ابننا وإحنا حرين وهو جابلك شقة في السعودية عايزة إيه تاني “.

وتابعت الزوجة الثلاثينية: ” جوزي قالي اللي قاعدة في الشقة أختي مش حد غريب وإحنا بقا عندنا شقة تانية وأما ربنا يكرمنا نبقي نبني شقة فوقها ونفرشها، إحنا كدا كدا قفلينا علي الفاضي مش بنعمل بيها حاجة وحياتنا كلها بقت هنا في السعودية ملوش لازمة المشاكل “.

واستكملت: ” أما رفضت كلامة وصممت أنهم يفضوا الشقة ويأجروا مكان برا، قالي لو فتحتي بوقك تاني أعتبرني نفسك طالق وملكيش أي حاجة عندي، وأما سافرت المشاكل بينا زادت وعملي مشكلة في شغلي ونزلني مصر وقالي أقعدي مع أهلك علي ما نعمل شقة، وأما قولتله أني مش موافقة وعايزة إطلق رفض وقالي أنا مبطلقش روحي إخلعيني عند المحاكم مفتوحة “.

نشكر كل متابعينا ونعدكم دائما بتقديم كل ما هو افضل .. ونقل الاخبار من كافة المصادر الاخبارية وتسهيل قراءتها لكم . لا تنسوا عمل لايك لصفحتنا على الفيسبوك ومتابعة آخر الاخبار على تويتر . مع تحيات اسرة موقع عيون الخليج ، زوجة تقاضي زوجها: ” زوج شقيقته في شقتي “ ، تابعونا علي مواقع التواصل الاجتماعي الخاصة بموقعنا ليصلكم جديد الاخبار دائمآ.
المصدر : صحيفة صدى

التالى هوفر يلتقط صورا لمناطق مختلفة في الجبيل عام 1933م